മലങ്കര മെത്രാപ്പോലീത്ത അഭിവന്ദ്യ ജോസഫ് മോർ ഗ്രിഗോറിയോസ് മെത്രാപ്പോലീത്തയുടെ കാതോലിക്കാ സ്ഥാനാരോഹണ ശുശ്രൂഷ 2025 മാർച്ച് 25 ന് ലെബനോനിലെ പാത്രിയർക്കാ കത്തീഡ്രലിൽ

പുത്തൻകുരിശ് ● യാക്കോബായ സുറിയാനി സഭയുടെ മലങ്കര മെത്രാപ്പോലീത്തായും കാതോലിക്കോസ് അസിസ്റ്റന്റുമായ അഭിവന്ദ്യ ജോസഫ് മോർ ഗ്രിഗോറിയോസ് മെത്രാപ്പോലീത്തയുടെ കാതോലിക്കാ സ്ഥാനാരോഹണ ശുശ്രൂഷ 2025 മാർച്ച് 25 ന് ലെബനോനിലെ അച്ചാനെയിലെ പാത്രിയർക്കാ അരമനയോട് ചേർന്നുള്ള സെന്റ് മേരീസ് സിറിയൻ ഓർത്തഡോക്സ് കത്തീഡ്രലിൽ വച്ച് നടത്തപ്പെടും.

ആകമാന സുറിയാനി ഓർത്തഡോക്സ് സഭയുടെ പരമാദ്ധ്യക്ഷൻ പരിശുദ്ധ മോറാൻ മോർ ഇഗ്നാത്തിയോസ് അഫ്രേം ദ്വിതീയൻ പാത്രിയർക്കീസ് ബാവായുടെ മുഖ്യ കാർമികത്വത്തിലാണ് കാതോലിക്കാ സ്ഥാനാരോഹണ ശുശ്രൂഷകൾ നടക്കുക. വി. ദൈവമാതാവിന്റെ വചനിപ്പ് പെരുന്നാൾ ദിവസമായ മാർച്ച് 25 ന് വിശുദ്ധ കുർബ്ബാന മധ്യേയാണ് ചടങ്ങുകൾ.

ആകമാന സുറിയാനി ഓർത്തഡോക്സ് സഭയിൽ നിന്നും മലങ്കര യാക്കോബായ സുറിയാനി ഓർത്തഡോക്സ് സഭയിൽ നിന്നും മെത്രാപ്പോലീത്തമാരും സഭാ ഭാരവാഹികളും വിശ്വാസികളും ശുശ്രൂഷകളിൽ സംബന്ധിക്കും. മാർച്ച് 26 ന് പരിശുദ്ധ ബാവായുടെ അദ്ധ്യക്ഷതയിൽ ആകമാന സുറിയാനി ഓർത്തഡോക്സ് സഭയുടെ പരി. എപ്പിസ്ക്കോപ്പൽ സുന്നഹദോസ് ചേരും.

ഡോ. കുര്യാക്കോസ് തെയോഫിലോസ് മെത്രാപ്പോലീത്ത (മീഡിയാ സെൽ ചെയർമാൻ)

  • Related Posts

    യാക്കോബായ സുറിയാനി സഭയുടെ ശ്രേഷ്ഠ കാതോലിക്ക വാഴ്ച : ലെബനോനിലും പുത്തന്‍കുരിശിലും ഒരുക്കങ്ങള്‍ ആരംഭിച്ചു

    പുത്തന്‍കുരിശ് ● പരിശുദ്ധ യാക്കോബായ സുറിയാനി സഭയുടെ ശ്രേഷ്ഠ കാതോലിക്ക ബാവായായി, മലങ്കര മെത്രാപ്പോലീത്തായും, പരി. എപ്പിസ്‌ക്കോപ്പല്‍ സുന്നഹദോസ് പ്രസിഡന്റുമായ അഭിവന്ദ്യ ജോസഫ് മോര്‍ ഗ്രിഗോറിയോസ് മെത്രാപ്പോലീത്തായെ ആകമാന സുറിയാനി ഓര്‍ത്തഡോക്‌സ് സഭയുടെ പരമാദ്ധ്യക്ഷനായ പരിശുദ്ധ മോറാന്‍ മോര്‍ ഇഗ്നാത്തിയോസ് അഫ്രേം…

    വന്ദ്യ പി.ജെ ജോസഫ് കോറെപ്പിസ്കോപ്പ കർത്താവിൽ നിദ്ര പ്രാപിച്ചു

    തുമ്പമൺ ● യാക്കോബായ സുറിയാനി സഭയിലെ സീനിയർ വൈദികൻ തുമ്പമൺ ഭദ്രാസനത്തിലെ വന്ദ്യ പി.ജെ ജോസഫ് പാലത്തുംപടിക്കൽ കോറെപ്പിസ്കോപ്പ (97) കർത്താവിൽ നിദ്ര പ്രാപിച്ചു. വാഴമുട്ടം മോർ ഇഗ്നാത്തിയോസ് യാക്കോബായ സുറിയാനി പള്ളി ഇടവകാംഗമാണ്. 1959 ൽ വയലിപ്പറമ്പിൽ ഗീവർഗ്ഗീസ് മോർ…