പടിഞ്ഞാറെ മോറയ്ക്കാല സെന്റ് തോമസ് ചാപ്പലിൽ പരിശുദ്ധന്മാരുടെ ഓർമ്മപ്പെരുന്നാൾ ആരംഭിച്ചു

കിഴക്കമ്പലം ● പള്ളിക്കര വി. മർത്തമറിയം യാക്കോബായ സുറിയാനി കത്തീഡ്രലിനു കീഴിലുള്ള പടിഞ്ഞാറേ മോറയ്ക്കാല സെന്റ് തോമസ് ചാപ്പലിൽ മോർ തോമാ ശ്ലീഹായുടേയും, മോർ ഗീവർഗ്ഗീസ് സഹദായുടേയും, മോറാൻ മോർ ഇഗ്നാത്തിയോസ് ഏലിയാസ് തൃതീയൻ പാത്രിയർക്കീസ് ബാവയുടെയും, ചാത്തുരുത്തിൽ മോർ ഗ്രിഗോറിയോസ് തിരുമേനിയുടെയും സംയുക്ത ഓർമ്മപ്പെരുന്നാൾ ആരംഭിച്ചു.

ജനുവരി 31 വെള്ളി വൈകിട്ട് പെരുന്നാളിന് തുടക്കം കുറിച്ചു കൊണ്ട് വികാരി കൊടിയേറ്റ് നിർവ്വഹിച്ചു. തുടർന്ന് സന്ധ്യാപ്രാർത്ഥനയും സൺഡേ സ്‌കൂൾ വാർഷികം, കലാപരിപാടികൾ എന്നിവ നടന്നു.

ഫെബ്രുവരി 1 ശനി വൈകിട്ട് 6.30 ന് വന്ദ്യ ബെന്യാമിൻ മുളയിരിക്കൽ റമ്പാന്റെ നേതൃത്വത്തിൽ സന്ധ്യാപ്രാർത്ഥന, പ്രസംഗം തുടർന്ന് പെരുന്തിക്കര കുരിശുംതൊട്ടിയിലേക്ക്
പ്രദക്ഷിണം, നേർച്ചസദ്യ എന്നിവ ഉണ്ടാകും.

പ്രധാനപ്പെരുന്നാൾ ദിനമായ ഫെബ്രുവരി 2 ഞായർ രാവിലെ 7.30 ന് പ്രഭാത പ്രാർത്ഥന 8.30 ന് പെരുമ്പാവൂർ മേഖലാധിപൻ അഭിവന്ദ്യ മോർ അഫ്രേം മാത്യൂസ് മെത്രാപ്പോലീത്തയുടെ പ്രധാന കാർമികത്വത്തിൽ വി. കുർബ്ബാന, പ്രസംഗം എന്നിവ നടക്കും. 11.30 ന് ചേലക്കാട്ടുമൂല, മോറയ്ക്കാല കുരിശുംതൊട്ടികളിലേക്ക് പ്രദക്ഷിണം, 12.30 ന് നേർച്ചസദ്യ എന്നിവയോടെ പെരുന്നാൾ സമാപിക്കും.

വികാരിമാരായ ഫാ. ഡോ. സി.പി. വർഗീസ്, ഫാ. ഫിലിപ്പോസ് കുര്യൻ, ഫാ. ഹെനു തമ്പി, ഫാ. ബേസിൽ ഏലിയാസ്, ട്രസ്റ്റിമാരായ പി.വി. യാക്കോബ്, കെ.പി. ബിജു, കൺവീനർ എൻ.പി. തോമസ് എന്നിവർ നേതൃത്വം നൽകും.

പെരുന്നാൾ ശുശ്രൂഷകൾ യാക്കോബായ സുറിയാനി സഭയുടെ ഔദ്യോഗിക മാധ്യമ വിഭാഗമായ ജെ.എസ്.സി ന്യൂസിലൂടെ തൽസമയ സംപ്രേഷണം ചെയ്യും.

  • Related Posts

    ഫാ. കെ.എം. എബ്രഹാം കൂളിയാട്ട് കർത്താവിൽ നിദ്ര പ്രാപിച്ചു

    കാക്കനാട് ● അങ്കമാലി ഭദ്രാസനത്തിലെ സീനിയർ വൈദികനും സന്യസ്ത പട്ടക്കാരനുമായ ഫാ. കെ.എം. എബ്രഹാം കൂളിയാട്ട് (81) കർത്താവിൽ നിദ്ര പ്രാപിച്ചു. കാക്കനാട് നിലംപതിഞ്ഞമുകൾ സെന്റ് തോമസ് ബേത്‌ലഹേം യാക്കോബായ സുറിയാനി പള്ളി ഇടവകാംഗമാണ്. ഫെബ്രുവരി 14 വെള്ളിയാഴ്ച രാവിലെ 7…

    ഇടയാർ സെന്റ് മേരീസ് യാക്കോബായ സുറിയാനി പള്ളിയിലെ 116-ാമത് വാർഷികപ്പെരുന്നാളിന് കൊടിയേറി

    കൂത്താട്ടുകുളം ● കണ്ടനാട് ഭദ്രാസനത്തിലെ ഇടയാർ സെന്റ് മേരീസ് യാക്കോബായ സുറിയാനി പള്ളിയിൽ 116-ാമത് വാർഷികപ്പെരുന്നാളിന് വികാരി ഫാ. ജിജിൻ ജോൺ പാപ്പനാൽ കൊടിയേറ്റി. പെരുന്നാളിനോടനുബന്ധിച്ച് ഫെബ്രുവരി 12 ബുധനാഴ്ച വൈകീട്ട് 6.30-ന് സന്ധ്യാപ്രാർത്ഥന, 7.30-ന് പ്രസംഗം, ആശിർവാദം എന്നിവ നടന്നു.…