പുത്തൻകുരിശ് ● നിറപുഞ്ചിരിയുമായി കുട്ടികളെ എന്നും ചേർത്തു പിടിക്കുകയും സ്നേഹ സമ്മാനങ്ങൾ നൽകി സന്തോഷിപ്പിക്കുകയും ചെയ്തിരുന്ന തങ്ങളുടെ സ്നേഹ പിതാവിന്റെ കബറിങ്കൽ പുഷ്പങ്ങളുമായി പ്രാർത്ഥനകളോടെ കുട്ടികളെത്തി. പുണ്യശ്ലോകനായ ശ്രേഷ്ഠ ബാവായുടെ മേൽനോട്ടത്തിൽ പ്രവർത്തിച്ചിരുന്ന പട്ടിമറ്റം മാർ കൂറിലോസ് ഹയർ സെക്കന്ററി സ്കൂളിലെ വിദ്യാർത്ഥികളാണ് അവരുടെ അധ്യാപകർക്കൊപ്പം പുത്തൻകുരിശ് സെന്റ് അത്തനേഷ്യസ് കത്തീഡ്രലിലെ കബറിങ്കൽ തങ്ങളുടെ സ്നേഹപിതാവിന് പ്രാർത്ഥനാമന്ത്രങ്ങളോടെ പുഷ്പങ്ങൾ സമർപ്പിച്ചത്.

പുണ്യശ്ലോകനായ ശ്രേഷ്ഠ മോർ ബസ്സേലിയോസ് തോമസ് പ്രഥമൻ കാതോലിക്ക ബാവായുടെ കബറിങ്കൽ നടന്ന പ്രാർത്ഥനയിലും ഉച്ച നമസ്ക്കാരത്തിലും പങ്കു ചേർന്നാണ് കുട്ടികൾ മടങ്ങിയത്.