ദുബായ് ● ‘മരുഭൂമിയിലെ മഞ്ഞിനിക്കര’ എന്നറിയപ്പെടുന്ന ദുബായ് മോർ ഇഗ്നാത്തിയോസ് യാക്കോബായ സുറിയാനി ഓർത്തഡോക്സ് കത്തീഡ്രലിൽ നവംബർ 30 ഞായറാഴ്‌ച രാവിലെ 07.30-ന് ശ്രേഷ്ഠ കാതോലിക്കായും മലങ്കര മെത്രാപ്പോലീത്തായുമായ ആബൂൻ മോർ ബസ്സേലിയോസ് ജോസഫ് ബാവായുടെ മുഖ്യ കാർമികത്വത്തിൽ വിശുദ്ധ കുർബ്ബാന അർപ്പിക്കും.
തുടർന്ന് യു.എ.ഇ മേഖലയിലെ ഇടവകകളുടെ മഹാസംഗമവും ശ്രേഷ്ഠ കാതോലിക്ക ബാവായ്ക്ക് പൊതുസ്വീകരണവും രാവിലെ 10 മണിക്ക് ദുബായ് അൽ നാസർ ലഷർ ലാൻഡിൽ നടക്കും.
ശുശ്രൂഷകൾ യാക്കോബായ സുറിയാനി ഓർത്തഡോക്സ് സഭയുടെ ഔദ്യോഗിക മാധ്യമ വിഭാഗമായ ജെ.എസ്.സി ന്യൂസിലൂടെ തത്സമയ സംപ്രേക്ഷണം ചെയ്യും.
