പുത്തന്കുരിശ് ● യാക്കോബായ സുറിയാനി ക്രിസ്ത്യാനി സഭയുടെ ആഭിമുഖ്യത്തിലുള്ള 35-ാമത് അഖില മലങ്കര സുവിശേഷ യോഗം സഭാ കേന്ദ്രമായ പുത്തൻകുരിശ് പാത്രിയാർക്കാ സെന്റർ മൈതാനിയിൽ ഇന്ന് ആരംഭിക്കും. ഡിസംബർ 31 വരെയാണ് സുവിശേഷ യോഗം നടക്കുക. എല്ലാ ദിവസവും വൈകിട്ട് 5:30 ന് സന്ധ്യാപ്രാർത്ഥനയോടെ ആരംഭിക്കും. ഗാനശുശ്രൂഷ, ആമുഖ സന്ദേശം, മുഖ്യ സന്ദേശം, രോഗികൾക്കായി സമർപ്പണ പ്രാർത്ഥന എന്നിവയോടെ യോഗം അവസാനിക്കും. സഭയുടെ ഔദ്യോഗിക സംഗീത വിഭാഗമായ ‘കേനോറൊ’ ഗാനശുശ്രൂഷയ്ക്ക് നേതൃത്വം നൽകും. അഖില മലങ്കര സുവിശേഷ മഹായോഗത്തിന് തുടക്കം കുറിച്ച പുണ്യശ്ലോകനായ ശ്രേഷ്ഠ മോർ ബസ്സേലിയോസ് തോമസ് പ്രഥമൻ കാതോലിക്ക ബാവായെ അനുസ്മരിച്ചു കൊണ്ട് യോഗം നടക്കും.
“ന്യായം വെള്ളം പോലെയും, നീതി വറ്റാത്ത തോട് പോലെയും കവിഞ്ഞ് ഒഴുകുന്നു” (ആമോസ് 5:24) എന്നതാണ് ഈ വർഷത്തെ ചിന്താവിഷയം. അഖില മലങ്കര സുവിശേഷ മഹായോഗം യാക്കോബായ സുറിയാനി സഭയുടെ ഔദ്യോഗിക മാധ്യമ വിഭാഗമായ ജെ.എസ്.സി ന്യൂസിലൂടെ തൽസമയ സംപ്രേഷണം ചെയ്യും.
26-12-2024 (വ്യാഴം) – ഉദ്ഘാടന ദിവസം
വൈകിട്ട് 5.30 : സന്ധ്യാപ്രാർത്ഥന, ഗാനശുശ്രൂഷ
അദ്ധ്യക്ഷൻ & ക്രിസ്തുമസ്സ് സന്ദേശം : അഭിവന്ദ്യ മോർ ഗ്രിഗോറിയോസ് ജോസഫ് മെത്രാപ്പോലീത്ത (മലങ്കര മെത്രാപ്പോലീത്ത & പരി. എപ്പിസ്ക്കോപ്പൽ സുന്നഹദോസ് പ്രസിഡന്റ്)
ഉദ്ഘാടനം : മേജർ ആർച്ച് ബിഷപ്പ് മാർ റാഫേൽ തട്ടിൽ (സിറോ മലബാർ സഭാധ്യക്ഷൻ)
മുഖ്യ സന്ദേശം : അഭിവന്ദ്യ ഡോ. മോർ തെയോഫിലോസ് കുര്യാക്കോസ് മെത്രാപ്പോലീത്ത (വൈദിക സെമിനാരി)
രോഗികൾക്കായി സമർപ്പണ പ്രാർത്ഥന : ഫാ. മാത്യൂസ് ചാലപ്പുറം