പുത്തൻകുരിശ് ● മലങ്കര യാക്കോബായ സുറിയാനി ഓർത്തഡോക്സ് സഭയുടെ സൺഡേ സ്കൂൾ അസ്സോസിയേഷനായ എം.ജെ.എസ്.എസ്.എ.യുടെ വാർഷിക പൊതുയോഗം പുത്തൻകുരിശ് എം.ജെ.എസ്.എസ്.എ. ഹെഡ്ക്വാർട്ടേഴ്സിൽ നടന്നു. ശ്രേഷ്ഠ കാതോലിക്കായും മലങ്കര മെത്രാപ്പോലീത്തായുമായ ആബൂൻ മോർ ബസ്സേലിയോസ് ജോസഫ് ബാവ ഉദ്ഘാടനം ചെയ്തു. അഭിവന്ദ്യ ഡോ. മാത്യൂസ് മോർ അന്തിമോസ് മെത്രാപ്പോലീത്ത അധ്യക്ഷത വഹിച്ചു.
യോഗത്തിൽ അടുത്ത മൂന്ന് വർഷത്തേക്കുള്ള ഭാരവാഹികളെ തിരഞ്ഞെടുത്തു. പുതിയ ഭാരവാഹികളായി അഭിവന്ദ്യ ഏലിയാസ് മോർ യൂലിയോസ് മെത്രാപ്പോലീത്ത (പ്രസിഡന്റ്), ഫാ. ഷിബിൻ പോൾ പെരുമ്പാട്ട് (വൈസ് പ്രസിഡന്റ്), യൽദോ ഐസക് മൂവാറ്റുപുഴ (ജനറൽ സെക്രട്ടറി), എം.കെ. വർഗീസ് പള്ളിക്കര (ട്രഷറർ) എന്നിവരെയും സെക്രട്ടറിമാരായ പി.വി. ജേക്കബ് അങ്കമാലി, അഡ്വ. പി.ഐ. കുര്യാക്കോസ് പിറവം, അവിനേഷ് തണ്ടാശ്ശേരിൽ കോട്ടയം, കേന്ദ്രകമ്മിറ്റി അംഗങ്ങളായി ജെയ്സ് ജോൺ, അഡ്വ. കെ.ഒ. ഏലിയാസ്, സജീഷ് ടി.വി. എന്നിവരെ തെരഞ്ഞെടുത്തു.
