പുത്തന്‍കുരിശ് ● പുണ്യശ്ലോകനായ ശ്രേഷ്ഠ മോർ ബസ്സേലിയോസ് തോമസ് പ്രഥമൻ കാതോലിക്ക ബാവായുടെ 40-ാം ഓര്‍മ്മദിനമായ നാളെ ഡിസംബര്‍ 9-ാം തീയതി തിങ്കളാഴ്ച ആചരിക്കും. ആകമാന സുറിയാനി ഓർത്തഡോക്സ് സഭയുടെ പരമാദ്ധ്യക്ഷൻ പരിശുദ്ധ മോറാൻ മോർ ഇഗ്നാത്തിയോസ് അഫ്രേം ദ്വിതീയൻ പാത്രിയർക്കീസ് ബാവ പ്രധാന കാർമികത്വം വഹിക്കും.

നാളെ രാവിലെ 7.00 മണിക്ക് പാത്രിയര്‍ക്കാസെന്ററില്‍ നിന്ന് പരി. പാത്രിയര്‍ക്കീസ് ബാവായേയും, അഭി. പിതാക്കന്മാരേയും സെന്റ് അത്തനേഷ്യസ് കത്തീഡ്രലിലേക്ക് ആനയിക്കും. 7.30 ന് പ്രഭാത പ്രാര്‍ത്ഥനയും, 8.30 ന്  പരി. പാത്രിയര്‍ക്കീസ് ബാവാ തിരുമനസ്സിന്റെ മുഖ്യ കാര്‍മികത്വത്തില്‍ വി. കുര്‍ബ്ബാനയും നടത്തപ്പെടും.  തുടര്‍ന്ന് നടക്കുന്ന ശ്രേഷ്ഠ ബാവായുടെ അനുസ്മരണ യോഗത്തില്‍ പരി. പാത്രിയര്‍ക്കീസ് ബാവാ മുഖ്യ പ്രഭാഷണം നടത്തും. മറ്റ് പ്രമുഖ വ്യക്തിത്വങ്ങള്‍ പങ്കെടുക്കും. തുടര്‍ന്ന് വരുന്ന എല്ലാവര്‍ക്കുമായി  വിരുന്നൊരുക്കും.