കൊച്ചി ● മലങ്കര യാക്കോബായ സുറിയാനി സഭ കൊച്ചി ഭദ്രാസന യൂത്ത് അസോസിയേഷന്റെ നേതൃത്വത്തിൽ ദ്വിദിന പരിശീലന ക്യാമ്പ് “ഈറുസോ 2024” എന്ന പേരിൽ 2014 ഒക്ടോബർ 11, 12 തീയതികളിൽ കാഞ്ഞിരമറ്റം സെന്റ് ജേക്കബ്സ് മൗണ്ടിൽ നടക്കും. ഒക്ടോബർ 11 വെള്ളിയാഴ്ച  വൈകിട്ട് 5:30 ന് നടക്കുന്ന പൊതുസമ്മേളനം മലങ്കര മെത്രാപ്പോലീത്ത മോർ ഗ്രീഗോറിയോസ് ജോസഫ് മെത്രാപ്പോലീത്ത ഉദ്ഘാടനം ചെയ്യും.

സഭയിലെ മറ്റു മെത്രാപ്പോലീത്തമാരും പങ്കെടുക്കും. കൊച്ചി ഭദ്രാസനത്തിലെ വിവിധ ദൈവാലയങ്ങളിൽ നിന്നുള്ള യൂത്ത് അസ്സോസിയേഷൻ അംഗങ്ങൾ പങ്കെടുക്കുന്ന ക്യാമ്പ് ഒക്ടോബർ 12 ശനിയാഴ്ച വൈകിട്ട് സമാപിക്കും.