പുത്തന്കുരിശ് ● ഭാഗ്യസ്മരണാര്ഹനായ ശ്രേഷ്ഠ ബസ്സേലിയോസ് തോമസ് പ്രഥമന് ബാവായുടെ സ്മരണാര്ത്ഥം യാക്കോബായ സുറിയാനി ഓർത്തഡോക്സ് സഭ ഏര്പ്പെടുത്തിയിട്ടുള്ള ബസ്സേലിയോസ് തോമസ് കാതോലിക്കോസ് എക്സലന്സ് അവാര്ഡ് 2025 (ശ്രേഷ്ഠ ബാവാ മാനവ രത്ന പുരസ്കാരം) മലങ്കര കത്തോലിക്ക സഭയുടെ തലവൻ അത്യഭിവന്ദ്യ കർദിനാൾ മോർ ബസേലിയോസ് ക്ലീമീസ് കാതോലിക്ക ബാവായ്ക്ക് സമർപ്പിച്ചു
പുത്തന്കുരിശ് പാത്രിയര്ക്കാ സെന്ററിൽ നടക്കുന്ന 36-ാമത് അഖില മലങ്കര സുവിശേഷ മഹായോഗത്തോടനുബന്ധിച്ച് സുവിശേഷ യോഗ പന്തലില് വച്ച് ശ്രേഷ്ഠ കാതോലിക്കായും മലങ്കര മെത്രാപ്പോലീത്തായുമായ ആബൂൻ മോർ ബസ്സേലിയോസ് ജോസഫ് ബാവ പുരസ്കാരം സമര്പ്പിച്ചു.
അഭിവന്ദ്യ മെത്രാപ്പോലീത്തമാരായ ഡോ. മോർ ഈവാനിയോസ് മാത്യൂസ്, മോർ തേവോദോസിയോസ് മാത്യൂസ്, സുവിശേഷ സംഘം പ്രസിഡൻ്റ് മോർ അത്താനാസിയോസ് ഏലിയാസ്, മോർ അന്തോണിയോസ് യാക്കോബ്, ഡോ. മോർ അന്തിമോസ് മാത്യൂസ്, മലങ്കര കത്തോലിക്ക സഭയുടെ ഡോ. കുര്യാക്കോസ് മാർ ഒസ്താത്തിയോസ്, വൈദിക ട്രസ്റ്റി ഫാ. റോയി ജോർജ് കട്ടച്ചിറ, സഭാ ട്രസ്റ്റി തമ്പു ജോർജ് തുകലൻ, സഭാ സെക്രട്ടറി ജേക്കബ് സി. മാത്യു, ഫാ. ഡാനിയേൽ പൂവണ്ണത്തിൽ, സുവിശേഷ സംഘം ഭാരവാഹികൾ എന്നിവർ സംബന്ധിച്ചു. ഒരു ലക്ഷം രൂപയും, പ്രശസ്തി പത്രവും അടങ്ങുന്നതാണ് ശ്രേഷ്ഠ ബാവാ പുരസ്കാരം.
