പുത്തൻകുരിശ് ● യാക്കോബായ സുറിയാനി ഓർത്തഡോക്സ് സഭയുടെ ആഭിമുഖ്യത്തിലുള്ള 36-ാമത് അഖില മലങ്കര സുവിശേഷ യോഗം ഡിസംബർ 26 മുതൽ 31 വരെ സഭാ കേന്ദ്രമായ പുത്തൻകുരിശ് പാത്രിയർക്കാ സെന്റർ മൈതാനിയിൽ നടക്കും. എല്ലാ ദിവസവും വൈകിട്ട് 5:30-ന് സന്ധ്യാപ്രാർത്ഥനയോടെ സുവിശേഷ മഹായോഗം ആരംഭിക്കും. ഗാനശുശ്രൂഷ, ആമുഖ സന്ദേശം, മുഖ്യ സന്ദേശം, രോഗികൾക്കായി സമർപ്പണ പ്രാർത്ഥന എന്നിവയോടെ യോഗം അവസാനിക്കും. സഭയുടെ ഔദ്യോഗിക സംഗീത വിഭാഗമായ ‘കേനോറൊ’ ഗാനശുശ്രൂഷയ്ക്ക് നേതൃത്വം നൽകും.
ഇന്ന് ഡിസംബർ 26 വെള്ളി വൈകിട്ട് 6.30 ന് ശ്രേഷ്ഠ കാതോലിക്കായും മലങ്കര മെത്രാപ്പോലീത്തായുമായ ആബൂൻ മോർ ബസ്സേലിയോസ് ജോസഫ് ബാവ യോഗം ഉദ്ഘാടനം ചെയ്യും. സുവിശേഷ സംഘം പ്രസിഡന്റ് അഭിവന്ദ്യ മോർ അത്താനാസിയോസ് ഏലിയാസ് മെത്രാപ്പോലീത്ത അധ്യക്ഷത വഹിക്കും. തുടർന്ന് വൈദിക സെമിനാരി റെസിഡന്റ് മെത്രാപ്പോലീത്ത അഭിവന്ദ്യ ഡോ. മോർ തെയോഫിലോസ് കുര്യാക്കോസ് മെത്രാപ്പോലീത്ത മുഖ്യ സന്ദേശം നൽകും.
ഡിസംബർ 27 ശനി വൈകിട്ട് 6:30-ന് ഇടുക്കി ഭദ്രാസനാധിപനും തൂത്തൂട്ടി മോർ ഗ്രീഗോറിയൻ ധ്യാനകേന്ദ്രം ഡയറക്ടറുമായ അഭിവന്ദ്യ മോർ പീലക്സിനോസ് സഖറിയാസ് മെത്രാപ്പോലീത്ത ആമുഖ സന്ദേശവും ഫാ. തോമസ് വടക്കേൽ മുഖ്യ സന്ദേശവും നൽകും.
ഡിസംബർ 28 ഞായർ വൈകിട്ട് 6:30-ന് പന്തലിൽ മലങ്കര കത്തോലിക്കാ സുറിയാനി സഭയുടെ തലവൻ കർദിനാൾ മാർ ബസ്സേലിയോസ് ക്ലീമീസ് കാതോലിക്ക ബാവായ്ക്ക് ‘ബസ്സേലിയോസ് തോമസ് പ്രഥമൻ കാതോലിക്കോസ് എക്സലൻസ് അവാർഡ് : ശ്രേഷ്ഠ ബാവ പുരസ്കാരം’ ശ്രേഷ്ഠ കാതോലിക്ക ആബൂൻ മോർ ബസ്സേലിയോസ് ജോസഫ് ബാവ സമർപ്പിക്കും. തുടർന്ന് കർദിനാൾ മാർ ബസ്സേലിയോസ് ക്ലീമീസ് കാതോലിക്ക ബാവ ആമുഖ സന്ദേശവും മലങ്കര കത്തോലിക്ക സഭയുടെ ഫാ. ഡാനിയേൽ പൂവണ്ണത്തിൽ മുഖ്യ വചന ശുശ്രൂഷയും നിർവ്വഹിക്കും.
ഡിസംബർ 29 തിങ്കൾ വൈകിട്ട് 6:30-ന് പെരുമ്പാവൂർ മേഖലാധിപൻ അഭിവന്ദ്യ മോർ അഫ്രേം മാത്യൂസ് മെത്രാപ്പോലീത്ത ആമുഖ സന്ദേശവും മാർത്തോമ്മ സഭയുടെ ഫാ. സന്തോഷ് കെ.സി മുഖ്യ വചന ശുശ്രൂഷയും നടത്തും.
ഡിസംബർ 30 ചൊവ്വ വൈകിട്ട് 6:30-ന് കണ്ടനാട് ഭദ്രാസനാധിപൻ അഭിവന്ദ്യ മോർ ഈവാനിയോസ് മാത്യൂസ് മെത്രാപ്പോലീത്ത ആമുഖ സന്ദേശവും ഫാ. ടിജു വർഗീസ് പൊൻപള്ളി മുഖ്യ സന്ദേശവും നൽകും.
സമാപന ദിവസമായ ഡിസംബർ 31 ചൊവ്വ ബാംഗ്ലൂർ, മൈലാപ്പൂർ ഭദ്രാസനാധിപൻ അഭിവന്ദ്യ മോർ ഒസ്താത്തിയോസ് ഐസക് മെത്രാപ്പോലീത്ത ആമുഖ സന്ദേശവും വന്ദ്യ ജോർജ്ജ് മാന്തോട്ടം കോർ എപ്പിസ്കോപ്പ മുഖ്യ സന്ദേശവും നൽകും. തുടർന്ന് മൂവാറ്റുപുഴ മേഖലാധിപൻ അഭിവന്ദ്യ ഡോ. മോർ അന്തിമോസ് മാത്യൂസ് മെത്രാപ്പോലീത്ത പുതുവത്സര സന്ദേശം നൽകും. പുതുവത്സരത്തോടനുബന്ധിച്ച് വിശുദ്ധ കുർബ്ബാനയും നടക്കും.
വിവിധ ദിവസങ്ങളിലായി യോഗവസാനം രോഗികൾക്കായി നടക്കുന്ന സമർപ്പണ പ്രാർത്ഥനയ്ക്ക് ഫാ. മത്തായി കുളങ്ങരക്കുടി, ഫാ. ജോസ് മൂത്താരിൽ, ഫാ. എൽദോസ് പാലക്കുന്നേൽ, ഫാ. സ്റ്റീഫൻ ജ്ഞാനമറ്റം, ഫാ. മാത്യുസ് ചാലപ്പുറം, ഫാ.എബിൻ ബേബി ഊമ്മേലിൽ എന്നിവർ നേതൃത്വം നൽകും.
ഡിസംബർ 27-ാം തീയതി മുതൽ 31 വരെയുള്ള ദിവസങ്ങളിൽ രാവിലെ 7 മണിക്ക് സെൻ്റ് അത്തനേഷ്യസ് കത്തീഡ്രലിൽ വിശുദ്ധ കുർബ്ബാന ഉണ്ടാകും. ഡിസംബർ 27 ശനി രാവിലെ 9 മണിക്ക് അഖില മലങ്കര മർത്തമറിയം വനിതാസമാജത്തിൻ്റെ ദേശീയ സമ്മേളനം നടക്കും. മർത്തമറിയം വനിതാ സമാജം പ്രസിഡൻ്റ് അഭിവന്ദ്യ മോർ പീലക്സിനോസ് സക്കറിയാസ് മെത്രാപ്പോലീത്ത ഉദ്ഘാടനം ചെയ്യും. മലങ്കര കത്തോലിക്കാ സഭ മൂവാറ്റുപുഴ രൂപത ബിഷപ്പ് യൂഹാനോൻ മാർ തെയഡോഷ്യസ് മെത്രാപ്പോലീത്ത മുഖ്യ പ്രഭാഷണം നടത്തും. 28-ാം തീയതി മുതൽ 31 വരെ ഉച്ചകഴിഞ്ഞ് 2.30 മുതൽ 4.30 വരെയും നടക്കുന്ന പകൽ യോഗങ്ങളിൽ വിശുദ്ധ മദ്ബഹാ ശുശ്രൂഷകരുടെയും ജെ.എസ്.സി മിഷന്റെയും ഏലിയാസ് നാമധാരികളുടെയും സംയുക്ത സംഗമം, സൺഡേ സ്കൂൾ അധ്യാപക-വിദ്യാർഥി-രക്ഷാകർത്തൃ സംഗമം, സെന്റ് പോൾസ് മിഷൻ ഓഫ് ഇൻഡ്യ സംഗമം, യൂത്ത് അസ്സോസിയേഷൻ-കുടുംബ യൂണിറ്റ് സംഗമം എന്നിവയും ധ്യാനങ്ങളും പ്രസംഗങ്ങളും നടക്കും.
സുവിശേഷ സംഘം പ്രസിഡന്റ് അഭിവന്ദ്യ മോർ അത്താനാസിയോസ് ഏലിയാസ് മെത്രാപ്പോലീത്ത, സഭാ ഭാരവാഹികളായ വൈദിക ട്രസ്റ്റി ഫാ. റോയി ജോർജ് കട്ടച്ചിറ, സഭാ ട്രസ്റ്റി കമാൻഡർ തമ്പു ജോർജ് തുകലൻ, സഭാ സെക്രട്ടറി ജേക്കബ് സി. മാത്യു, സുവിശേഷ സംഘം ഭാരവാഹികളായ വൈസ് പ്രസിഡന്റ് വന്ദ്യ ഇ.സി. വർഗീസ് കോർ എപ്പിസ്കോപ്പ, ജനറൽ സെക്രട്ടറി വന്ദ്യ ജോർജ് മാന്തോട്ടം കോർ എപ്പിസ്കോപ്പ, സെക്രട്ടറി ഷെവ. മോൻസി വാവച്ചൻ, ട്രഷറർ ഷെവ. തോമസ് കണ്ണടിയിൽ എന്നിവർ നേതൃത്വം നൽകും. “ഉയരത്തിലുള്ളത് തന്നെ ചിന്തിക്കുവിൻ” (കൊലോസിയർ 3:2) എന്നതാണ് ഈ വർഷത്തെ ചിന്താവിഷയം.
