മനാമ ● യാക്കോബായ സുറിയാനി ഓർത്തഡോക്സ് സഭയുടെ ശ്രേഷ്ഠ കാതോലിക്കായും മലങ്കര മെത്രാപ്പോലീത്തായുമായ ആബൂൻ മോർ ബസ്സേലിയോസ് ജോസഫ് ബാവായ്ക്കും, ബഹ്റൈനിലെ പാത്രിയാർക്കൽ വികാരി അഭിവന്ദ്യ മോർ തേവോദോസിയോസ് മാത്യൂസ് മെത്രാപ്പോലീത്തായ്ക്കും ബഹ്റൈനിലെ കേരള ക്രിസ്ത്യൻ എക്യുമെനിക്കൽ കൗൺസിൽ സ്വീകരണം നൽകി. കെ.സി.ഇ.സി യുടെ പ്രസിഡൻ്റ് റവ. അനീഷ് സാമുവേൽ ജോണിന്റെ അധ്യക്ഷതയിൽ കൂടിയ സ്വീകരണ യോഗത്തിന് ജനറൽ സെക്രട്ടറി ജോമോൻ മലയിൽ ജോർജ് സ്വാഗതം അറിയിച്ചു.
വൈസ് പ്രസിഡൻ്റുമാരായ റവ. മാത്യൂസ് ഡേവിഡ്, വന്ദ്യ സ്ലീബാ പോൾ വട്ടവേലിൽ കോർ എപ്പിസ്കോപ്പ, റവ. ബിജു ജോൺ, റവ. സാമുവേൽ വർഗ്ഗീസ്, റവ. അനുപ് സാം, റവ. ജേക്കബ് കല്ലുവിളയില്‍, ജെയിംസ് ജോൺ എന്നിവര്‍ ആശംസകൾ നേർന്ന് പ്രസംഗിച്ചു. എക്സിക്യൂട്ടീവ് കമ്മറ്റി അംഗങ്ങളായ എബിൻ മാത്യു ഉമ്മൻ, എബ്രഹാം ജോൺ, സാബു പൗലോസ്, ഡിജു ജോൺ മാവേലിക്കര എന്നിവരും, ബഹ്റൈന്‍ സെൻ്റ് പീറ്റേഴ്സ് പള്ളി ഭാരവാഹികളും പങ്കെടുത്ത യോഗത്തിന് ട്രഷറർ ജെറിന്‍ രാജ് സാം നന്ദി അറിയിച്ചു.
