പെരുമ്പാവൂർ ● മലയിടംതുരുത്ത് സെൻ്റ് മേരീസ് യാക്കോബായ സുറിയാനി പള്ളിയിൽ വിശുദ്ധ ദൈവമാതാവിൻ്റെ ജനന പെരുന്നാളും 49-ാമത് ബൈബിൾ കൺവെൻഷനും ഭക്തിസാന്ദ്രമായി തുടരുന്നു. ഇടവക മെത്രാപ്പോലീത്ത അഭിവന്ദ്യ മോർ അഫ്രേം മാത്യൂസ് മെത്രാപ്പോലീത്ത കൊടിയുയർത്തിയതോടെയാണ് എട്ടുനോമ്പ് പെരുന്നാൾ ആഘോഷങ്ങൾക്ക് തുടക്കമായത്.
പെരുന്നാളിനോടനുബന്ധിച്ച് ആറാം ദിനത്തിൽ അഭിവന്ദ്യ മോർ യൂലിയോസ് ഏലിയാസ് മെത്രാപ്പോലീത്ത വിശുദ്ധ കുർബാന അർപ്പിച്ചു. വിവിധ ദിവസങ്ങളിൽ നടന്ന വി. കുർബ്ബാന, സന്ധ്യാപ്രാർത്ഥന, ബൈബിൾ കൺവെൻഷൻ എന്നിവയിൽ നൂറുകണക്കിന് വിശ്വാസികൾ സംബന്ധിച്ചു.
ഇന്ന് സെപ്റ്റംബർ 7 തിങ്കൾ രാവിലെ
6:45-ന് പ്രഭാത പ്രാർത്ഥന, 7:30-ന് ഫാ. സജി ചമ്പിലിൻ്റെ കാർമികത്വത്തിൽ വി. കുർബ്ബാന, 9-ന് ദൈവാലയ ഉപകരണങ്ങൾ മേമ്പൂട്ടിൽ നിന്നും പള്ളിയകത്തേക്ക് ആഘോഷമായി കൊണ്ടുവരുന്ന ചടങ്ങ് എന്നിവ നടക്കും.
വൈകിട്ട് 7-ന് സന്ധ്യാ പ്രാർത്ഥന, പ്രസംഗം എന്നിവയ്ക്ക് തിരുവഞ്ചൂർ മാർ അന്തോണിയോസ് മോണാസ്ട്രിയിലെ
വന്ദ്യ ഡോ. സലീബ റമ്പാൻ നേതൃത്വം നൽകും.
8:30-ന് തമുക്ക് നേർച്ച, 8:45-ന് സെൻ്റ് ജോർജ് ചാപ്പലിലേക്കും, പടിഞ്ഞാറേ കുരിശിലേക്കും പ്രദക്ഷിണം, 10:30-ന് ആശീർവ്വാദം, നേർച്ച സദ്യ എന്നിവ ഉണ്ടായിരിക്കും.
ജനനപ്പെരുന്നാൾ ദിനമായ സെപ്റ്റംബർ 8 ചൊവ്വ രാവിലെ 7:30-ന് പ്രഭാത പ്രാർത്ഥന,
8:30-ന് അഭിവന്ദ്യ മോർ തിമോത്തിയോസ് മാത്യൂസ് മെത്രാപ്പോലീത്തയുടെ പ്രധാന കാർമികത്വത്തിലും ഫാ. ഡോ. ബാബു അറക്കുകുടി, ഫാ. എബി ഏലിയാസ് എന്നിവരുടെ സഹകാർമികത്വത്തിലും വി. മൂന്നിന്മേൽ കുർബ്ബാന അർപ്പിക്കപ്പെടും.
വി. കുർബ്ബാന മദ്ധ്യേ വി. ദൈവമാതാവിൻ്റെ സൂനോറോ ഭക്ത്യാദരപൂർവ്വം വിശ്വാസികൾക്ക് വണങ്ങുന്നതിനായി പേടകത്തിൽ നിന്നും പുറത്തെടുക്കും.
തുടർന്ന് പ്രസംഗം, സെമിത്തേരിയിൽ പൊതുവായ ധൂപപ്രാർത്ഥന, വി. സ്ലീബ എഴുന്നള്ളിപ്പ്, മാർ ബസ്സേലിയോസ് കുരിശിൻ തൊട്ടിയിലേക്കും മാർ ഇഗ്നാത്തിയോസ് ചാപ്പലിലേക്കും പ്രദക്ഷിണം, ആശീർവ്വാദം, 12:45-ന് നേർച്ച സദ്യ എന്നിവ നടത്തപ്പെടും.
ഉച്ചയ്ക്ക് 2-ന് വിശുദ്ധ സൂനോറോ പേടകത്തിലേക്ക് തിരികെ എടുത്തുവയ്ക്കും. തുടർന്ന് ദൈവാലയ ഉപകരണങ്ങൾ പള്ളിയകത്തുനിന്ന് മേമ്പൂട്ടിലേക്ക് തിരികെ എഴുന്നള്ളിക്കും. കൊടിയിറക്കോടെ ഈ വർഷത്തെ എട്ടുനോമ്പ് പെരുന്നാൾ ചടങ്ങുകൾക്ക് സമാപനമാകും.
ഇടവക വികാരി ഫാ. ജോർജ്ജ് ഐസക് ചൂണ്ടക്കാടന്റെ നേതൃത്വത്തിലാണ് പെരുന്നാൾ ക്രമീകരണങ്ങൾ നടക്കുന്നത്.
പെരുന്നാൾ ശുശ്രൂഷകൾ മലങ്കര യാക്കോബായ സുറിയാനി ഓർത്തഡോക്സ് സഭയുടെ ഔദ്യോഗിക മാധ്യമ വിഭാഗമായ ജെ.എസ്.സി ന്യൂസിലൂടെ തൽസമയം സംപ്രേഷണം ചെയ്യും.
About the Author
