ഇസ്താംബൂൾ ● തുർക്കിയിലെ ചരിത്രനഗരമായ ഇസ്താംബൂളിൽ സ്ഥിതി ചെയ്യുന്ന ആകമാന സുറിയാനി ഓർത്തഡോക്സ് സഭയുടെ മോർ അഫ്രേം കത്തീഡ്രൽ ചരിത്രപ്രാധാന്യമുള്ള സഭാ സംഗമത്തിന് വേദിയായി.
ആഗോള കത്തോലിക്കാ സഭയുടെ തലവൻ പരിശുദ്ധ ലിയോ പതിനാലാമൻ മാർപ്പാപ്പയെ, പരിശുദ്ധ അന്ത്യോഖ്യാ പാത്രിയർക്കീസും ആകമാന സുറിയാനി ഓർത്തഡോക്സ് സഭയുടെ പരമാദ്ധ്യക്ഷനുമായ മോറാൻ മോർ ഇഗ്നാത്തിയോസ് അഫ്രേം ദ്വിതീയൻ ബാവായുടെ നേതൃത്വത്തിൽ ഭക്തിനിർഭരമായി സ്വീകരിച്ചു. തുടർന്ന് ഇരു സഭാതലവന്മാരും സുപ്രധാന ചർച്ചകൾ നടത്തി.
ലോകത്തിലെ പ്രധാന ക്രൈസ്തവ സഭകളുടെ തലവന്മാർ സംഗമിച്ച ഈ ചരിത്ര മുഹൂർത്തം സഭാ സൗഹൃദത്തിന്റെയും ആത്മീയ ഐക്യത്തിൻ്റെയും പുതിയ അദ്ധ്യായം തുറന്നു.
